كحك العيد.. على ضمانة قمر 14كل سنة وأنتم طيبين كلها كام يوم وييجي العيد...
وطبعاً كل البيوت بدأت تحضّر في الكحك والغريبة والبسكويت والبتيفور...
وفي عدد النهارده هنقدّم لكم وصفات مختلفة لحلويات العيد على طريقة الشيف "أسامة" واللي قدّمها في حلقات برنامجه "أسامة أطيب"...
الكحك
المقادير:
1/4 كوب سكر
كوب سمن
كوب لبن دافئ
2 1/2 كوب دقيق
ملعقة صغيرة خميرة
1/4 ملعقة صغيرة روح كحك "ينسون ومحلب"
الطريقة:
1- نخلط السمنة مع السكر كويس جداً.
2- بعد كده نخلط الدقيق مع البيكينج باودر وروح الكحك، وبعد كده نضيفه تدريجيا على السمنة، وبعد كده نضيف اللبن الدافئ، ونخلطهم مع بعض كويس جداً.
3- بعد كده نقطّع العجينة لقطع صغيرة، ونحشيها بالحشو اللي إحنا عايزينه سواء ملبن أو مكسرات أو عجوة، وبعد كده نزيّن الكحك من بره بالمنقاش، وندخّله فرن ساخن على درجة حرارة 170، ونسيبه لمدة 30 دقيقة، بعد ما يستوي نطلعه ونرش عليه سكر بودرة.
طريقة عمل كحك العيد
صحة وجمال
Average:
Select ratingPoorOkayGoodGreatAwesomePoorOkayGoodGreatAwesome
No votes yet
Sep
8
2010
اضغط على الصورة لمشاهدة الجاليري:
اخلطي السمنة مع السكر كويس
اخلطي الدقيق مع البيكينج باودر وروح الكحك، وبعد كده نضيفيه تدريجيا على السمنة والسكر
بعد كده ضيفي اللبن الدافئ، واخلطي كل المكونات مع بعض كويس جداً
قطّعي العجينة لقطع صغيرة، واحشيها بالحشو اللي إنتي عايزاه سواء ملبن أو مكسرات أو عجوة
زيّني الكحك من بره بالمنقاش علشان السكر يثبت عليه
دخّليه فرن ساخن على درجة حرارة 170، وسيبيه لمدة 30 دقيقة لغاية ما يستوي
بعد ما يستوي طلعيه ورشي عليه سكر بودرة
الغريبة
علشان الغريبة تطلع معانا ناعمة لازم الزبدة اللي بنستعملها تكون ناعمة، وطبعا تكون بدون ملح.
المقادير:
2 كوب زبدة
كوب سكر بودرة
3 1/2 كوب دقيق
الطريقة:
1- نضرب الزبدة بالمضرب شوية لغاية لما تفك من بعضها، وبعد كده نضيف عليها السكر البودرة ونخلطهم مع بعض كويس، وبعد كده نضيف الدقيق ونعجنهم كلهم مع بعض.
2- نشكّل العجينة، ويُفضّل إننا نشكّلها بأطراف الأصابع؛ لأن باطن الإيد بيكون سخن وممكن يسيّح الزبدة، وبنكوّرها وبنرصّها على الصاج، وممكن نزيّنها بالمكسرات.
3- بعد كده ندخّل الصاج في فرن ساخن على درجة حرارة 160 ونسيبها لمدة 15 دقيقة تقريبا، ويُفضّل إننا نحطها في الرف اللي في النصف، ونتابعها دايماً علشان لونها ما يتغيّرش.
طريقة عمل الغريبة
صحة وجمال
Average:
Select ratingPoorOkayGoodGreatAwesomePoorOkayGoodGreatAwesome
No votes yet
Sep
8
2010
اضغط على الصورة لمشاهدة الجاليري:
اضربي الزبدة بالمضرب شوية لغاية لما تفك من بعضها، وبعد كده ضيفي عليها السكر البودرة
بسكويت بالقرفة والقشطة
المقادير:
4 ملاعق صغيرة زبدة طرية
كوب سكر
كوب قشطة "وممكن نستبدلها بالزبادي بس نصفّي المية منه"
2 كوب دقيق
1/4 ملعقة صغيرة ملح
كوب سكر
بيضة
سكر بودرة للتزيين
الطريقة:
1- نذوب الزبدة مع السكر كويس جداً لغاية ما يتداخلوا مع بعض تماماً، وبعد كده نضيف عليهم القشطة، ونقلّبهم كويس، وبعد كده نضيف البيضة.
2- نخلط الدقيق مع البيكينج باودر مع الملح، ونضيفهم على الزبدة والسكر والقشطة.
3- نجيب الصاج ونفرد عليه ورقة زبدة، ونقطّع العجين لقطع صغيرة، ونرصّها على الصاج، وندخله الفرن ونسيبه لمدة ربع ساعة في درجة حرارة 170 درجة، وبعد ما يطلع ممكن نرش على الوش قرفة وسكر بودرة.
طريقة عمل بسكويت القشطة
صحة وجمال
Average:
Select ratingPoorOkayGoodGreatAwesomePoorOkayGoodGreatAwesome
No votes yet
Sep
8
2010
اضغط على الصورة لمشاهدة الجاليري:
ذوبي الزبدة مع السكر كويس جداً
بعد كده ضيفي عليهم القشطة
بعد كده ضيفي عليهم البيضة وقلبيهم مع بعض كويس لغاية ما كل المكونات تتداخل مع بعضها
قطّعي العجينة بملعقة صغيرة
رصّيه على الصاج، ودخليه الفرن
طلّعيه من الفرن بعد ربع ساعة
بعد ما يطلع رشي على الوش قرفة وسكر بودرة
بسكويت الشطرنج
البسكويت ده عبارة عن بسكويت بالفانيليا وبسكويت بالشيكولاتة، وبنرصّهم مع بعض علشان يعملوا في النهاية شكل الشطرنج...
مقادير بسكويت الفانيليا:
كوب ونصف زبدة
1/3 كوب سكر
1/4 ملعقة صغيرة فانيليا
صفار بيضة
كوب ونصف دقيق
مقادير بسكويت الشيكولاتة:
كوب ونصف دقيق
1/3 كوب كاكاو
1/2 ملعقة صغيرة بيكينج باودر
8 ملاعق كبيرة زبدة
1/2 كوب سكر
بيضة
الطريقة:
1- لتحضير بسكويت الفانيليا، نضرب الزبدة مع السكر كويس جداً، وبعد كده نضيف صفار البيض، ونضربه كويس مع الزبدة والسكر.
2- بعد كده نخلط المقادير الجافة (الدقيق والفانيليا) مع بعض، ونضيفهم على خليط الزبدة والسكر، وندمجهم مع بعض لغاية ما نحصل على عجينة ناعمة، وبعد كده نحطّها في كيس بلاستيك في الثلاجة لمدة ساعة علشان العجينة تتماسك.
3- لتحضير بسكويت الشيكولاتة، نضرب الزبدة مع السكر، وبعد كده نضيف البيضة مع الاستمرار في العجن.
4- نخلط المقادير الجافة (الدقيق والبيكينج باودر والكاكاو) مع بعض، وبعد كده نضيفهم على خليط الزبدة والسكر وندمجهم مع بعض لغاية ما نحصل على عجينة ناعمة، وبعد كده نحطها في كيس بلاستيك في الثلاجة لمدة ساعة علشان العجينة تتماسك.
5- وبعد كده نجيب العجين ونفرده كويس بالنشابة على ورق زبدة، ونتأكّد إن سُمك العجينة كله أد بعضه من كل النواحي، ونتأكّد إن سُمك عجينة الشيكولاتة أد سُمك عجينة الفانيليا، وبعد كده نساوي أطراف العجينة.
6- بعد كده ندهن سطح واحدة منهم بطبقة من البيض، ونلزق عليه العجينة التانية.
7- نقطّعهم نصفين على شكل مستطيل، ونحط النصفين على بعض، وبعد كده نقطّعهم مرة كمان بالطول، وندهن سطح كل شريحة ببياض البيض ونلزقهم مع بعض بشكل متبادل، يعني نحط طرف عجينة الفانيليا على طرف عجينة الشيكولاتة، ونلزقهم على بعض بحيث نحصل على شكل زي الشطرنج، وبعد كده نقطعهم شرائح وندخلهم الفرن على درجة حرارة 170 لمدة 20 دقيقة.
طريقة عمل بسكويت الشطرنج
صحة وجمال
Average:
Select ratingPoorOkayGoodGreatAwesomePoorOkayGoodGreatAwesome
No votes yet
Sep
8
2010
اضغط على الصورة لمشاهدة الجاليري:
الزقي عجينة الفانيليا مع عجينة الشيكولاتة، وقطّعيهم نصفين على شكل مستطيل
حطي النصفين على بعض، وبعد كده قطّعيهم مرة كمان بالطول
ادهني سطح كل شريحة ببياض البيض والزقيهم مع بعض بشكل متبادل، يعني نحط طرف عجينة الفانيليا على طرف عجينة الشيكولاتة
قطعيهم شرائح و
دخليهم الفرن على درجة حرارة 170 لمدة 20 دقيقة
البتيفور
المقادير:
كوب زبدة طرية
1/2 كوب سكر بودرة
2 بيضة
1/2 ملعقة صغيرة فانيليا
1 1/4 كوب دقيق
الطريقة:
1- نضرب الزبدة مع السكر البودرة لغاية ما الخليط يبقى ناعم أوي ولونهم يبقى أبيض، وأثناء العجن بنضيف بيضة بيضة، ونسيبهم يختلطوا مع بعض كويس جداً، وبعد كده نخلط الدقيق مع الفانيليا، ونضيفهم على العجينة ونستمر في العجن لغاية ما نحصل على عجينة ناعمة وطرية جداً، وممكن نعمل بتيفور بالكاكاو بإننا نضيف على العجينة كمية من الكاكاو.
2- بعد كده نجيب كيس الحلواني، ونحط فيه العجينة ونبتدي نقطّعها بأشكال مختلفة، وبعد كده ندخلهم الفرن على درجة حرارة 170 ونسيبه لمدة 15 دقيقة، وبعد ما تستوي ممكن نلزق البتيفور ببعضه بالشيكولاتة السايحة، ونزيّنه من بره بجوز الهند أو المكسرات.
طريقة تحضير الكليجة
صحة وجمال
Average:
Select ratingPoorOkayGoodGreatAwesomePoorOkayGoodGreatAwesome
No votes yet
Sep
8
2010
اضغط على الصورة لمشاهدة الجاليري:
اخلطي السمنة والزيت والماء بالتدريج، واعجنيهم مع بعض كويس جداً
اخلطي كل المكونات الجافة مع بعضها، وضيفيها على خليط السمنة والزيت والماء
سيبي العجينة لمدة 35 دقيقة علشان تتخمّر
ممكن تلفي العجينة على حشو العجوة وبعد كده تقطعيها شرائح
ممكن تفردي طبقة من العجوة على طبقة من العجينة
غطيها بطبقة تانية من العجينة
ساوي كل الأطراف
قطعيها لمربعات متساوية الحجم
ممكن تعملي عليها خطوط بالشوكة
دخليها الفرن وطلعيها بعد 30 دقيقة
الكليجة
المقادير:
ملعقة صغيرة خميرة
1/2 ملعقة صغيرة سكر
كوب ماء دافئ
3 كوب دقيق
ملعقة صغيرة بيكينج باودر
ملعقة صغيرة حبهان مطحون
1/2 كوب زيت ذرة
1/4 كوب سمن
عجوة للحشو
الطريقة:
1- نخلط كل المكونات الجافة مع بعضها، وبعد كده نضيف عليهم السمنة والزيت والماء بالتدريج، ونعجنهم مع بعض كويس جداً.
2- نسيب العجينة لمدة 35 دقيقة علشان تتخمّر، وبعد كده نفرد العجينة بالنشابة ونحشيها بالعجوة، وممكن نعملها على شكل دواير أو مربعات، ونرصّها في الصاج، وندهن وش العجينة بالبيض، وندخّلها الفرن على درجة حرارة 170 ونسيبها لمدة 30 دقيقة.
طريقة تحضير المعمول
صحة وجمال
Average:
Select ratingPoorOkayGoodGreatAwesomePoorOkayGoodGreatAwesome
No votes yet
Sep
8
2010
اضغط على الصورة لمشاهدة الجاليري:
اغلي الزبدة مع اللبن
اخلطي الدقيق الأبيض مع دقيق السميد والسكر، وبعد كده ضيفي عليهم الزبدة واللبن، واعجنهم كويس مع بعض مع إضافة ماء الزهر
بعد ما تطلعي العجينة من الثلاجة، وقطّعيها لقطع صغيرة وحطيها في القوالب واحشيها واقفليها كويس
وممكن تلفيها على شكل رول بالعجوة
وتقطعيها بالطول
وقطعيها لقطع صغيرة
رصي المعمول على الصاج ودخليه الفرن
المعمول بحشو التفاح
المقادير:
1/2 كوب لبن
كوب زبدة
2 كوب دقيق سميد
كوب دقيق
1/4 كوب سكر
2 ملعقة كبيرة ماء زهر
سكر بودرة
للحشو:
تفاح مقطّع مكعبات صغيرة
زبدة
سكر بودرة أو سكر بني
قرفة
الطريقة:
1- نغلي الزبدة مع اللبن، وأثناء ما الزبدة بتغلي نخلط الدقيق الأبيض مع دقيق السميد والسكر، وبعد كده نضيفهم على الزبدة واللبن، ونعجنهم كويس مع بعض مع إضافة ماء الزهر، ونسيب العجينة تبرد شوية.
2- بعد كده ننقلها في طبق تاني، ونغطّيها ونشيلها في الثلاجة لمدة 8 ساعات.
3- بعد كده نطلّع العجينة من الثلاجة، ونقطّعها لقطع صغيرة ونحشيها ببحشو التفاح أو بالعجوة، ونشكّلها زي ما إحنا عايزين، وندخله الفرن على درجة حرارة 170 ونسيبه لمدة 25 دقيقة.
لتحضير حشو التفاح:
نشوّح التفاح في كمية صغيرة من الزبدة وكمية صغيرة من السكر البودرة أو السكر البني وشوية قرفة.
وبكده يكون خِلص عددنا النهارده...
وكل سنة وأنتم طيبين...
إلى اللقاء،،،
