يا ستى ارحميني عايز اذاااكر

********.
الله أكبر الله أكبر ..(أذان الظهر)..

ــــ يارب.. يارب بحق ده الآدان تنجح يا حماده يابن ابنى
وأشوفك دكتور أد الدنيا

ياستى بس أنا فى تجارة

ــــ وماله يابنى هو يكتر على ربنا. ده ربنا قادر على كل شئ

ياستى ونعم بالله بس اللى بيطلع دكتور لازم يكون فى كلية الطب
مش التجارة

ــــ ياللا تجارة تجارة ... ومالها التجارة ... دى حتى التجارة شطارة ..
ده الله يرحمه جدك كان تاجر فى الوكالة أد الدنيا

ياستى التجارة اللى فى الوكالة حاجة واللى فى الكلية حاجة تانية

ــــ ع العموم شد حيلك انت وانا أخلى جدك يخدك معاه الوكاله عشان تتدردح وتتودك فى السوق

جدى إيه اللى هايخدنى معاه ده جدى مات من زمان ياستى

ــــ يامصيبتى عبد الواحد مات .. ياحبيبى ياأخويا .. مكنش يومك ياسبعى

ياستى ده مات من تلاتين سنة

ــــ تلتين سنه .. ده العمر بيجرى ياولاد تصدق ولا حسيت بيهم ياللا أهو غار فى داهيه قطع وقطعت سيرته .. ده كان بخل الدنيا فيه .. ان ما عمره دخل عليه ببطيخة ولاكيس جوافة

ياستى حرااام عليكى عايز أذاكر بقى

ــــ يوه .. وأنا ماسكاك ياوله .. ذاكر ... ذاكرعشان ربنا يكرمك وتنجح وتاخد الدبلون

** ياستى دبلون إيه .. اسمه البكالوريوس

ـــــ انت بتضحك عليه ياوله .. اسمه الدبلون .. الواد ابن فايزة جدع زيك كده فى مدرسة التجارة وخد الدبلون

خلاص دبلوم دبلوم ياستى .. سيبينى بقى عشان أذاكر

ــــ ذاكر .. ذاكر يا أخويا ذاكر ... تعرف ياواد ..ندرن عليا يوم ماتنجح لأكون رايحه خاطبالك عبير بنت رئيسه دى ايه ياواد ..
أدب وأخلاق .. وعلام كمان

ياستى عبير دى معاها اعدادية

ــــ وماله يابنى ... الراجل مايعبهوش إلا جيبه

** راجل ... راجل مين ياستى ... عبير دى بنت

ـــــ عبير ... عبير مين ياوله .. انت بتعرف بنات من ورانا

** لا إله إلا الله أبوس رجلك ياستى أرحمينى بقه

ـــــ طب ذاكر ذاكر جتك نيله وانت طالع براوى كده زى أمكقطعت وقطعت سيرتها...أنامش عارفه أبوك كان اتجوزها على إيه .. حكم ... قال لبس البوصة تبقى عروسة .. بس والله لأكون مبوظه الخطوبة دى ومجوزاه أنيسة بنت أختى

** ياستى خطوبة إيه .. أبويا متجوز أمى من خمسة وعشرين سنة
وبعدين أنيسة دى بنت أخوك مش بنت أختك .. وأساسا إنتى ملكيش إخوات بنات

ـــــ صحيح ياوله .. انت عندك حق أنا مليش إخوات بنات .. أصلى أنا امى ماكنتش بتخلف صبيان

** حراااااام ستى ماتطلعى البلكونة شويه ... ده الهوا حلو بره ..

ـــــ لأ ياخويا فى جدع كده حليوه وشعره مسبسب فى البلكونه اللى فى الوش بيقعد يعاكسنى

** خلاص روحى المطبخ ... أهو زمان أمى خلصت الرز ..

ــــ رز ... رز إيه يابنى * هوأنا ليه سنان للرز ...
أناهطلع البلكونه أحسن ..

** طب أبقى خلى بالك م الهوى ياستى

ـــــ هوى لما يلطشك ..

ههههههههههههههههههههههههههههههههههههههههههههههههههههههههههههههههههههههههههههه
جااااااااااااااااااااااامدة تسلم ايدك دودى

ههههههههههههههههههههههههههه
تسلم ايدك يا دودي حلوه اوي بجد

هههههههههههههههههههههههههههههههههههههههههههههههه

الحمد لله تيتا عاقله اوووووووووووي

تسلم ايديكي يا قمر

ههههههههههههههههههههههههههههههههههههههه
تسلمي يادودي حلووووة مووووووت

هههههههههههههههههههههههههههههههههههههههههههههههههه
جامدة مووووووووووووووووووووووت
تسلم ايك ياقمر

ميرسي ليكوا
نورتوا

» لو عايز تنام فى الشغل ومش عايز المدير يشوفك تعمل اية
» لو عايز ترفع ضغط بنت تعال هنا وخد النصيحة من بنت
» اى ولد عايز يخنق البنات ويعقدها يعمل الى هقول علية
» حصريا تهزيق وزير الاعلام الاسبق انس الفقي للاعلامي محمود سعد انت عايز تكون البطل وتحميل مباشر