بسم الله الرحمن الرحيم
ملحوظة هاااااامة
اللى بيعانى من أى إضطرابات فى ضغط الدم سواء كان إرتفاع أو إنخفاض أو عنده دم من الأساس فمن مصلحته إنه يفوت الصفحة دى وبلاش يشيلنى ذنبه لو جراله حاجة- الواحد مش ناقص وقد أ عذر من أنذر
- صخرة وقعت من فوق عمارة ولوح الإزاز اللى تحتها مانكسرش- ليه ؟؟
علشان ما وقعتش عليه
-طب فرخة بتعدى الشارع وماتت فجأة - ليه؟؟
الصخرة وقعت عليها
-ليه ملخفن بيحط جنبه كباية شاى قبل ما بينام؟؟
علشان الشاى منبه
-وطب وليه بيحط جنب كباية الشاى فنجان قهوة ؟؟
علشان لو الشاى ما رنش
-طب ليه بيحط جنبة كباية ماية فاضية وواحدة مليانة ؟؟
علشان يمكن يشرب ويمكن ما يشربش
-وليه بيحط ملح على راسه ؟؟
علشان يبقى حدق
-وليه بيحط سكر على الكرسى قبل ما يقعد ؟؟
عشان تبقى قعدته حلوة
-حاجة بيضاء طايرة فى السما بتقول نياو تبقى ايه ؟؟
قطة بيضاء مضروبة بالشلوت
- طب حاجة سودا طايرة فى السما بتقول نياو ؟؟
غراب بيستهبل
-طب حاجة بنى طايرة فى السما وما بتقولشى حاجة أيه هى ؟؟
فردة الجزمة بتاعة الراجل اللى ضرب القطة
-طب حاجة سودا طايرة فى السما وما بتقولشى حاجة ايه هى؟؟
غراب عاقل وما بيحبش الاستهبال
-حاجة زرقا طايرة فى السما ايه هى ؟؟
دبانة لابسة بنطلون جينز ازرق
-طب حاجة سودا طايرة فى السمامن الشرق للغرب وفيها خط احمر ايه هى ؟؟
دبانة لابسة فستان سوارية وحاطة روج ورايحة فرح واحدة صاحبتها
- طب حاجة سودا طايرة فى السما من الغرب للشرق و فيها خط احمر ؟؟
نفس الدبانة نسيت حاجة فى البيت راجعة تجيبها
-حاجة سودا ماشية فى الصحرا ايه هى ؟؟؟
سرب نمل رايح يعزى
-نقطة سودا على الحيطة ؟؟
دبانة
-طب نقطتين سود على الحيط تبقى أيه ؟؟؟
فيشة
-طب 3 نقط سود على الحيط تبقى أية ؟؟؟
دبانة وفيشة
-طب 54 نقطة سودة على الحيط تبقى أيه ؟؟؟
يبقى البياض بيقشر
-حاجة رفيعة وطويلة لونها ابيض أيه هى ؟؟؟
فتلة بيضاء
-طب حاجة رفيعة وطويلة لونها اسود تبقى اية ؟؟؟
خيال الفتلة البيضاء
