شباب التحرير يعتذرون الى الفنان تامر حسنى وويطلبون نزوله مجددا للميدان

اولا : لجميع محبي تامر ومن يهمه امره

--------------------------------------------------------------------------------
تامر حسني الحمد الله بخير بيطمن كل جمهوره

اصيب في ظهره اصابه سطحيه و يده لانهاكان فيها شرخ من قبل من تصوير مسلسله وازداد عليه

و سبب اصابته هو سقوط المنصه التي كان يقف عليها بسبب تدافع الناس

و لم يحدث اي تعدي عليه علي الاطلاق

و للعلم تامر حسني نزل الميدان بمفرده دون اي حراسه ولاحتى معاه اخوه لانه في وسط اخواته

مش زعلان و مفيش زعل بين الاخوات و مقدر تعبهم و حزنهم علي ايلي بيحصل

ونقله للمستشفى ده عاادي جدااا عشان يطمنوا عليه بس

وفوق ده كله مش زعلان مع انه اللي في الميدان مش بتوع الميدان اساسا

عارفين بجد ربنا عمره ما بينسى حق حد ابدا يا جماعه

عمر ما ربنا بيشوف حد مظلوم قدام عينيه ويسيبه كدة لازم بيرجعله حقه

وخصوصا لو كان الانسان دة نيته سليمه وبيتقى ربنا وبيتقى معصيه اوامره


احنا اول ناس قولنا الناس ديه فهماه غلط وكل الاعلام قال لا دة تامر اضرب وكل الناس فرحوا فيه وكل الناس انبسطوا بـ اللى حصله

احنا قولنا لا يا جماعه تامر مش نازل يركب الموجه زى الناس تامر نازل يعتذرلكوا ويقولكوا انا اسف انا كنت فاهم غلط

وفى عز ما كان الاعلام كله ضد تامر والكل بيساند الناس اللى عملت كدة فى تامر ومش فى تامر بس لا دة فى تامر واحمد السقا وعمرو اديب واحمد حلمى ومليون حد

واظن كلكوا شوفتوا اللى حصل لـ الفنانين والشخصيات العامله اللى راحت التحرير وكانواعايزين يشاركوا بس بسبب سوء الفهم من بعض الناس ماقدروش

اول امبارح الفجر اللى حصل ان تامر نزل وحصل اللى حصل واللى كلنا وكل الاعلام شافه النهارده الصبح وبعد ما الناس اللى فى التحرير شافت اللى حصل وشافت الفيديو اللي نزل لتامر بعد ما اطرد

وفهمت الحقيقه وفهمت تامر كان فى نيته ايه ووصلهم اللى هو بيعمله وان نيته كانت خير مش زى ما كانوا فاكرين بعض الشباب اللى يهمها نجاح البلد ديه

تامر حقه رجع من اكتر من 9000 شاب وصل للرابطه اتعذار موقع منهم لتامر

واليوم الصبح اترفعت لافتات اعتذار لتامر .. في ميدان التحرير نفسه

طبعاا مش هقدر انزل كل الصور .. هنزل كم صوره بس

وغيرهم كتير جداااااااااا

دول الشباب الحقيقى مش الجماعات والاحزاب اللى قعدت تجرح فى تامر وتوصفه بـ ابشع الالفاظ

ده اكبر رد على كل واحد بيشكك فى نجاح تامر

اكبر رد على كل واحد فرح فى تامر وولع الدنيا بينه وبين الناس

اكبر رد على محاوله خايبه من الاعلام المصرى لـ اسقاط تامر وكسره

هماا دول الشباب اللى رفضوا نزول تامر للثوره هما هما اللى بيقولوا دلوقتى احنا عايزينه

وبيعتذروا ليه عن اللى حصل بس انا عايزه اقول حاجه .. وتامر كمان بيقولهاا

ماتعتذروش يا جماعه انتوا ماعملتو حاجه تعتذروا عليها لحد

انتوا فى ناس ضللتكوا وماكنتو عارفين الحقيقه زى بالضبط كدة ما كان حاصل مع تامر ناس كانت مفهماه حاجه تانيه غير الحقيقه

احنا معاكوا وتامر معاكوا وكل فنانين مصر والوطن العربي معاكوا

وانتظروا يا جماعه مفاجاه جامده اوى من شباب ميدان التحرير شباب الثوره الحقيقه خلال الايام الجايه ديه بأذن الله

وعلى فكره احنا مستنيين الاعلام والناس الفاضيه اللي هتطلع اشاعات تقولك ان دول متأجرين ومش عارف ايه احب اقولكوا حاجه

لو متاجرين ماكانو هيقدروا يرفعوا كلمه زى ديه فى التحرير لانه ساعتها هتلاقى كل الناس بتعارضهم وبتطردهم لو فعلا ماكانو موافقينهم على الكلام دة

كلمه اخيره للاعلام اللى سوء صوره وسمعه تامر

والله مستحيل تعرفوا تكسروا تامر وماتحاولو تكسروه لانه فى ملايين بتحبه وكل الشعب المصرى والوطن العربي والغربي بيحبه ولا انتوا ولا غيركوا هتقدروا توقعوه او تكسروه

ومهما حاولتوا مش هتعرفوا تكرهوا الناس فى تامر

كل مره بتحاولوا ربنا بينصره عليكوا وعلى كل حاقد بيفكر انه يكسره او يمسه حتى

وغير انه تامر عنده قوة صبر فعلا انا بحسده عليهااا

والله لولاها كان اتهد .. لانه اساسا اللي بيحصل في تامر

من الاعلام او الناس من يوم ما اتولد لحد اول امبارح كان زمانه هد جبل

الله يقويك داايما ياتامر .. وان شالله قوة الصبر اللي فيك دي تقوى اكتر واكتر

ومافي اي قوة في الكون ممكن تشك في وطنيتك وحبك لبلدك

وهتفضل طول عمرك رااجل ..

وفي النهاايه .. ان شالله الازمه اللي في مصر
تعدي على خير .. وكل شي يرجع زي الاول واحسن

شكرااا يااحلى رنيم في كل الدنيا

تسلم ايديك
يعطيكي العافيه