آيس كريم الزبادي بالموز مع صوص الشيكولاتة

[ندعوك للتسجيل في المنتدى أو التعريف بنفسك لمعاينة هذه الصورة] آيس كريم الزبادي بالموز وصوص الشيكولاتة





آيس كريم الزبادي بالموز مع صوص الشيكولاتة
المقادير:

• 2 كوب زبادي "يفضل إنك تحطيه في الفريزر قبل الاستخدام"
  
• 1/4 كوب لوز محمص ومفروم "ممكن تستبدليه بسوداني غير مملّح"
  
• 3 معالق كبيرة بودرة كاكاو من غير سكر
  
• 2 موزة مقطعة شرائح
  
• 1/4 كوب سكر
  
• 1/4 كوب مية
  

الطريقة:
1- في طاسة صغيرة اخلطي السكر مع الكاكاو وضيفي عليهم المية بالتدريج، وقلّبيهم كويس على النار وسيبيهم لغاية ما يغلوا، وبعد كده وطّي النار مع الاستمرار في التقليب لغاية ما تحسي إن الخليط بقى سميك، بعد كده اطفي النار وسيبي الخليط على جنب لغاية ما يبرد.

2- هاتي الزبادي وقسّميه على كوبايات التقديم، وبعد كده حطي عليه شرائح الموز، وعلى الوش حطي صوص الشيكولاتة اللي عملتيه واللوز.. وبالهنا والشفا.

تسلم ايدك ياقمر
طريقة جميلة وجديدة