حوار بين شاب فافى ومامته

اولا كده كلنا عارفين ظاهرة الشباب الفافي المدلع ده وخصوصا انهم كتروا اوي اليومين
دول يعني تلاقي منهم اللي بيقلدوا البنات في كل حاجه حتي في تسريحه الشعر ما علينا
المهم ان ده حوار بين ام ربنا رزقها بواد فافي ومايع ومدلع اخر حاجه
والمصيبه انه طالب جامعي وده جزء من حوار دار بينه وبين مامته الله يكون في عونها
والشاب ده اسمه

yay

yay:
حر..... حر ..... حر... حر .... اف خلاص ياربي مش طايقه نفسي .. قصدي مش طايق
نفسي تعبان خالص خالص
الام:
ايه يا بيضه مالك ايه اللي مخليك تعبان ؟؟؟؟؟؟؟ يا واد ماتشد حيلك شوية وخليك راجل كده ربنا يخدك مش عارفه طالع لمين يا منيل
yay:
ياربي انا ايه اللي خلاني رجعت البيت ده ما انا كنت قاعد في
الجامعه كويس
الام :
يا واد ده انا لما كنت بسنك كنت بربي غنم وكنت بربي قطيع زيك كده على اخر الزمن مش عارفه اربيك انت يا حشرة
yay:
ياااااااااااااي يعني ايه غنم يا مامي ؟؟ ايه تقصدي خروف يعني
الام :
ايه يا خويا مش عارف غنم يعني ايه
ده ابوك لما كان في سنك كان بيصطاد اسود وكان قلبه جامد مش زيك لو طب في حجرك عنكبوت تموت فيها
yay:
ييييييييييييى مش تجيبيلي سيرة العناكيب بليز جسمي بيقشعر يا مامي
الام :
ده اللي يقعد معاك ويسمع كلامك يقول عليك عندك تلات سنين مش عشرين
سنه قوم يا واد انت من قدامي قوم ماتخلنيش افقد انوثتي وارتكب فيك جريمه
yay :
هههههههههه انوثتك ؟؟؟؟ فين دي ؟؟؟؟ قصدي اه عارف يا مامي كلك انوثه طبعا
الام :
روح نام نامت عليك حيطه يا بعيد
yay:
ليه
يا مامي انتي عدوتي كده دايما ليه بتحاولي تحطمي مشاعري واحاسيسي ليه مش
انا دلوعتك .... قصدي دلوعك مش انا ضناكي اللي بتخافي عليه ؟؟؟؟ اهيء اهيء
اهيء
الام :
خلاص يا روبي متزعلش والله
احرجتني بكلامك ده
ده انا يا ياي
عايزاك تبقي راجل كده
شوف اخوك حسنين راجل
ازاي والكل بيخاف منه
ده شعر شنبه اكتر من شعر جسمك يا منيل مش زيك بيقعد
يتمكيج علي المرايه بالساعات
yay:
ده حسنين ده قلبه قاسي وجامد اما انا فقلبي قلب خفيف مش بيستحمل اقل
حاجه
الام :
طيب هاسالك سؤال
yay:
اوف كورس مام اتفضلي
الام:
احنا لو دخل علينا حرامي دلوقتي هاتعمل ايه ؟
yay:
هاشده من شعره واقوله عيب عليك كده يا حرامي
الام :
لالالالا!!! تصدق حرام عليك كده يا ابو قلب قاسي انت كده بتقسى عليه اوي اوي هاتشده من شعره ؟؟؟؟؟؟؟؟؟؟؟؟؟؟
yay:
يس

الام :
ليه انت فاكر الحرامي مطول شعره زيك يا باربي ؟؟
ده الحرامي لو جيه هيديك
على دماغك ويسرقك وانت هتبقي زي الاهبل مش هتعرف تعمل حاجه
yay:
يووووووووه ..... ماتخوفنيش بقي يا مامي انا هاقوله خد يا حوحو اللي انت عايزه بس سيبلي هدومي وتشيرتاتي

((((( وفي هذه اللحظه دخل المحروس بسلامته حسنين اخو النونو ياي))))
الام :
ابني حبيبي راجلي وعزوتي وسندي
حسنين:
ازيك يا امي عامله ايه
الام :
مش كويسه يا حسنين اخوك هيجنني
حسنين :
تاني يا ياي ؟؟
yay :
انا مش عملت حاجه خالص خالص
الام:
بص يا حسنين لو دخل علينا حرامي دلوقتي هاتعمله ايه ؟؟؟؟؟؟؟؟؟؟؟
حسنين:
هاكسر له ظهره واطحنه واقطع له ايديه واعلقها علي اول الشارع علشان يبقي عبره لغيره
yay:

يوووووووووووووووووه ..........نونونونونو
بلاش الكلام ده مش هعرف انام
انا بخاف
نونونو
انا هادخل انام بدل ما انا قاعد معاكم يا اولاد دراكولا
الام :
يا حسنين عايزين ندخل اخوك العسكريه علشان يبقى راجل شويه
حسنين :
عسكريه ايه يا امي ؟؟؟ ده لو راح العسكريه هايفتكروه اليسا بتتمشي قصادهم بلبس العسكريه بلاش فضايح يا امي
yay:
انا سامعكم انا لسه منمتش هاه وعموما يا مامي انا قدمت في معهد الباليه علشان عاوز اتعلم رقص الباليه اوك
حسنين:
لا اله الا الله
الام :
عوض عليا عوض الصابرين ياااااااااااااااااااااااااااااااااااااااااااارب
****************************************

الحوار طبعا مش حقيقي بس اكيد في كده ربنا يستر من الايام الجايه بقى هههههههه

هههههههههههه
الله يستر

هههههههههه
تسلم ايديك يابودي
ربنا يستر على الجيل الجاي ده هيبقى جيل مهبب

بجد حاجة فظيعة خالص
بالذات انهم كتروا قوي الأيام دي
يلا ربنا يصلح حالهم
شكرا لك

هههههههههههههههههههه
تسلم ايدك يا بودي

ههههههههههههههههههههههههههههههه
جااااااااااامد ياااااااااااي دا
ربنا معاه!!!!!!!!

هههههههههههههههههههههه
شكرا لمروركم الجميل
ربنا يستر

الله يستر من اللي جاي
شكرااايابودي

هههههههههههههههههههههههههههههههههه
تسلم ايدك يا بودي
وفعلا ربنا يستر علي الايام
اللي جايه من الشباب اللي زي ياي ده

هههههههههههههههههههه
تسلم ايدك يا بودي

هههههههههههههههه
ربنا يستر علي شبابنا وشباب المسلمين

جاااااامده اوى
تسلم ايدك بودى
هههههههههه

شكرا يا احلى اعضاء على احلى مرور
نورتوا التوبيك

هههههههههههههههههههههههههههههههههههه

روووووووووووووووعة يا ندووورة

يارب ما يطلعوا اولادك زيه كده

هع هع

ههههههههههههههههههههههههههههههههههههههههههههه
ربنا يستر على اللى جاااااااااااااااااااااااااااااااى
تسلم ايدك بودى

هههههههههههههههههههههههههه
شكرا لمروكم الجميل اوى دا

» حوار بين شاب وسته ههههههههههههههههه
» حوار ستات أصحاب إتقابلو بعد الموت
» حوار بين عابد ومجنون - شيق
» حوار بين البيبسى والميراندا
» حوار بين الحياه والموت