BoDy مفيش زيه
الابراج : الأبراج الصينية : عدد المساهمات : 4472 نقاط : 5227 السٌّمعَة : 10 تاريخ التسجيل : 04/09/2009 العمر : 34 الموقع : TamerTemoz راااااااااااااايق
| موضوع: يوميات المواطن حنفي الجمعة ديسمبر 17, 2010 5:20 pm | |
|
السلام عليكم ورحمه الله وبركاته ,,
النهاردة جايبلوكوا يوميات جديدة ( المواطن حنفى ) بجد
كلها افهات جامده اوى
وانـ شاء الله تعجبكم .. هتكون ع حلقات .. زى
المسلسل العربى كده
المطلوب انكم تتخيلو
المووقف .. وتعيشو اللحظه
ونبدأ بأول حلقتين
من اليوميـــات ..
***************** ::الحلقة الاولى فى البيت ::
(حنفى نازل الشغل الصبح بدرى )
الزوجة : انت نازل الشغل ياحنفى ؟
حنفى : لا نازل ألعب كوره ياولية بطلى الاسئلة المتخلفة دى
الزوجة : طب بس براحة عليا شوية ده احنا لسة على الصبح يعنى
حنفى : هو انتى اللى شافك يبقى شاف صبح مش عارف أنا كل يوم الواحد يصطبح بالخلقة دى
الزوجة :استغفر الله العظيم يارب ايه ياراجل انت هو انت راكبك عفريت ولا ايه؟
حنفى : وهو برضه فى عفريت يطيق يقعد فى شقة انتى قاعدة فيها؟
الزوجة : طيب ياسيدى أنا مش هرد عليك هات مصروف الشهر عشان أنا نازلة السوق كمان شوية
حنفى : ليه ؟ هو النهاردة كام فى الشهر؟
الزوجة :النهاردة أول يوم فى الشهر ياحنفى و مافيش ولا مليم فى البيت
حنفى : ياولية هو انتى منبه بيضرب أول كل شهر ؟ مافيش مرة كده تحصل معجزة وتنسى موضوع المصروف ده؟
الزوجة : قصر ياحنفى وهات الفلوس عشان اشوف اللى ورايا
حنفى : والله ياختى مهمة أوى سيادتك والحاجات اللى وراكى مقطعة بعضها ومش لاقية وقت ياعينى
الزوجة : اللهم طولك ياروح ياراجل انت هو انت مافيش يوم تعديه كده من غير خناقة
حنفى : وهو انت حد يشوف وشك ومايتخانقش طب ايه رأيك بقى مافيش فلوس النهاردة ويبقى اتصرفى انتى بقى ان شا الله تعملى الاكل زيت وملح
الزوجة :حنفى
حنفى : ياست بقى بلا حنفى بلا زفت أنا خافى فى داهية الهى يارب أرجع الاقى الانبوبة فرقعت فى وشك
وبعدين يرزع الباب وينزل
*******************
الحلقة الثانية
(حنفى ماشى فى الشارع بسرعة فخبط ست معدية بكتفه )
الست : حاسب ياحمار
حنفى : ايه قلة الادب دى ؟ ايه حاسب دى ؟
الست : مش تفتح وانت ماشى بدل ما تخبط فى خلق الله كده
حنفى : ياست أنا حر أفتح أقفل عينى وانا حر فيها وبعدين هو حد قالك تمشى فى الشارع مالتاكسيات مالية البلد أهى و لا هى طولة لسان على الفاضى وبعدين ايه اللى حصل يعنى ؟ كسرتلك ايد خلعلتلك رجل فقعتلك عين و لا هو دلع ومياصة وخلاص ؟
الست :على فكرة انت قليل الادب ومش محترم حنفى : ياسلام ياختى محسسانى انك انتى اكتشفتى حاجة جديدة يعنى الست : يعنى انت ترضى تعمل كده مع أختك
حنفى : لا طبعا مارضاش ده لو أختى أنا كان زمانى رميتها تحت الاتوبيس اللى جاى هناك ده
الست: لا بقى , واضح انك مش عايز تجيبها لبر
حنفى : أجيبها لبر ليه ؟ هو انتى شايفانى فى البحر وعمال أغرق ولا حاجة
الست : أنا مش هارد عليك لان مستواى وأخلاقى مايسمحوليش انى ارد على واحد زبالة كده زيك
حنفى : قولتلك بلاش قلة أدب ؟ ايه زيك دى ؟
الست : روح ياعم الله يهديك
حنفى : ماشى ياختى الله يسهلك الهى يارب وانتى ماشية فى الشارع تعدى من تحت بيتنا تقوم الانبوبة اللى هى هتفرقع فى مراتى تفرقع فيكى انتى كمان ستات آخر زمن
(وبعدين يسيب الست ويكمل طريقه فى انتظار مشكلة أخرى )
استنونى ف الحلقات القادمه
| |
|
MODY نائـب المديـر
الابراج : الأبراج الصينية : عدد المساهمات : 9728 نقاط : 15173 السٌّمعَة : 15 تاريخ التسجيل : 08/09/2009 العمر : 34 لـــــــــــــــــــذيـــــــــــــــــــــــذ
| موضوع: رد: يوميات المواطن حنفي الجمعة ديسمبر 17, 2010 8:58 pm | |
| ههههههههههههههههههههههههههه حلوة اوى تسلك ايدك بودى | |
|
سرابي مشرفة عامة
الابراج : الأبراج الصينية : عدد المساهمات : 3689 نقاط : 3920 السٌّمعَة : 8 تاريخ التسجيل : 12/09/2009 العمر : 36 الموقع : TamerTemoz حلو وراااااايق
| موضوع: رد: يوميات المواطن حنفي الجمعة ديسمبر 17, 2010 10:40 pm | |
| حقولك شكرااا يانادر برغم انك مفتري وحاقد عالستات المساكين بدون سبب انتا والسيد حنفي المحترم الله يهديكم وتبطلو افترى وتبطلو تصحو من النوم زعلانين وتفشو غليلكم فينا | |
|
BoDy مفيش زيه
الابراج : الأبراج الصينية : عدد المساهمات : 4472 نقاط : 5227 السٌّمعَة : 10 تاريخ التسجيل : 04/09/2009 العمر : 34 الموقع : TamerTemoz راااااااااااااايق
| موضوع: رد: يوميات المواطن حنفي السبت ديسمبر 18, 2010 7:27 am | |
| احنا غلابة والله يا سرابى ههههههههههههههههههههههه بس انتو تستهلو الصراحة [ندعوك للتسجيل في المنتدى أو التعريف بنفسك لمعاينة هذه الصورة] شكرا ليكى سرابى انتى ومودى على مروركم الجميل | |
|
ملكة الرومانسية Admin
الابراج : الأبراج الصينية : عدد المساهمات : 3728 نقاط : 4798 السٌّمعَة : 7 تاريخ التسجيل : 18/12/2009 العمر : 32 الموقع : TamerTemoz ba7b 3m 3abdo
| موضوع: رد: يوميات المواطن حنفي السبت ديسمبر 18, 2010 1:28 pm | |
| هههههههههههههههههههههههههههههههههههههههههههههههههههههههههههههههههههههههههههههههههههه دخل لسانك جوة بدل ما اقطعهولك يا نادر وبعدين اللي يكزب يروح النار ايه غلابة دي انتوا غلابة انتوا؟؟؟؟؟؟؟؟؟؟؟؟ ميرسي يا بودي جااااامده بس مطولش علينا عشان عايزين نعرف الاستاز مخنوق قصدي الاستاز حنفي هيتخانق مع مين المرة الجاية
| |
|
CaiQO نائـب المديـر
الابراج : الأبراج الصينية : عدد المساهمات : 789 نقاط : 1696 السٌّمعَة : 6 تاريخ التسجيل : 12/09/2009 العمر : 32 الموقع : tamertemoz peas
| موضوع: رد: يوميات المواطن حنفي السبت ديسمبر 18, 2010 8:05 pm | |
| teslm edak nader beltawfe2 | |
|
sheref مشرف اخبــار الرياضــة
الابراج : الأبراج الصينية : عدد المساهمات : 1407 نقاط : 1642 السٌّمعَة : 1 تاريخ التسجيل : 29/05/2010 العمر : 25 رومانسي
| موضوع: رد: يوميات المواطن حنفي الثلاثاء يناير 25, 2011 7:41 pm | |
| هههههههههههههههههههههههههه تسلم ايدك نادر | |
|